Audition-verkstova á Tjóðpallinum
- Tjóðpallurin
- May 23
- 1 min read
Tjóðpallur Føroya bjóðar øllum yrkispalllistafólkum til eina sokallaða audition-verkstovu tann 23. og 24. juni 2025.
Í sambandi við at vit eru á veg inn í eitt nýtt tíðarskeið við nýggjum stjóra, ynskja vit at síggja og læra palllistafólkini í Føroyum at kenna áðrenn komandi sesong.
Tí hava vit fyriskipað eina verkstovu við tveimum av leikstjórunum, ið koma at arbeiða á Tjóðpallinum á heysti 2025.
Audition-verkstovan fevnir um tveir dagar; tann 23. og 24. Juni frá klokkan 16.00 til 20.30, og er fyri øll yrkispalllistafólk.
Luttakarar nýtast ikki at fyrireika seg á nakran hátt í sambandi við luttøkuna - uttan at møta við opnum sinni til tveir áhugaverdar dagar á gólvinum.
Vinaliga boða frá luttøku sum skjótast – tó í seinasta lagi tann 13. juni 2025 – við at senda ein teldupost til info@tjodpallur.fo.
Vit gleða okkum at síggja teg!
Til tey, sum ikki hava møguleika at luttaka á hesum sinni orsaka av stuttum skotbrá ella øðrum umstøðum, verða fleiri slík tiltøk í framtíðini.
