Hevur tú sæð Carmen? er ein barnaleikur - ella eina sonevnd pixi-opera - skrivað við íblástri úr kendu operuni, Carmen, eftir franska tónaskaldi, Georges Bizet.

Regin smiður er ein søga um kærleika, hevnd, dráp, vald, føðing, lív, deyða og sorg. Palltónlistaverkið, Regin smiður, eftir Sunleif Rasmussen sameinir nútímans tónleik, nútímans dans, elektrónisk ljóð, opera og siðbundna føroyska kvæðamentan.

Ein av okkara størstu samtíðarhøvundum í norðurlondum verður nú fyri fyrstu ferð settur á pall í Føroyum. Sonurin, eftir norska høvundin Jon Fosse, er ein dramatisk søga um ósannar sannleikar og alt tað, vit aldri siga hvør øðrum.