er útbúgvin sjónleikari frá Moscow Art Theatre School í Russlandi undir leiðslu av Kirill Serebrennikov. Hann hevur arbeitt sum sjónleikari á 7. studio hjá Moscow Art Theatre og hevur leikt á framkomna leikpallinum Gogol Centre í Moskva umframt á Moscow Art Theatre.

Síðani hevur hann starvast sum sjónleikari á leikhúsum í Fraklandi, Estlandi, Kosovo og Noregi og hevur staðið á palli kring alt Evropa.

Harafturat hevur Harald ein bachelor í búskapi og leiðslu, ein master í filmshandritaskriving og hevur verið skúlastjóri á sjónleikaraskúlanum Solbakken folkehøgskole, verið listaligur leiðari og kuratorur á leikhúsinum Vabalava í Estlandi, og hevur undirvíst í sjónleiki og filmi í Noregi og uttanlands.

Í løtuni starvast hann sum stjóri á Tjóðpalli Føroya.