top of page

Soli deo gloria

SOLI DEO GLORIA eftir Peter Asmussen, er ein kaleidoskopiskur leikur um okkum menniskju í støðum har tørvurin á kærleika er størstur og evnini at elska eru minst. Ein leikur um at vera á lívi og at vera í lívinum.


Peter Asmussen (1957-2016) var danskur rithøvundur, dramatikari og leikritahøvundur. Hann vann tvær ferðir Reumert virðislønina sum ársins dramatikari, fyrru ferð í 2010 fyri INGEN MØDER NOGEN og seinnu ferðina í 2016 fyri SOLI DEO GLORIA. Peter Asmussen skrivaði harumframt m.a. filmshandritið til Breaking the Waves saman við Lars von Trier í 1996. 


Peter Asmussen skrivar beinrakið og uttan stórvegis undirtekst og hann letur leiklutirnar siga tingini bart út. Í grundgevingini fyri, at lata Peter Asmussen Reumert prísin fyri SOLI DEO GLORIA segði dómsnevndin m.a:


“Í SOLI DEO GLORIA vísir Peter Asmussen ein einastandandi málsligan og dramaturgiskan neyvleika, sum setir hann í heimsflokk saman við Strindberg, Bergman og Norén. Við eini beinhart skamtaðari frásøgn lýsir Asmussen stuttar leikmyndir, sum í spenninum millum søgulig tíðarskeið og geografisk støð upploysir frásøgurúmið til eitt ongamannaland - eitt dreymaspæl.”


Peter Asmussen er áður framførdur í Føroyum. Í 2016 vitjaðu íslendsku leikararnir Maria Ellingsen og Bjørn Ingi Hilmarsson við EINGIN MØTIR NØKRUM (Ingen møder nogen), og SOLI DEO GLORIA var sama árið framførdur sum Reading (upplestur) á norðurlendska festivalinum DAGARNIR 2016

LEIKRIT
Peter Asmussen

TÝÐING
Hans Tórgarð

LEIKSTJÓRI
Christoffer Berdal

PALLMYND
Turpin Napoleon Djurhuus

BÚNAR
Turpin Napoleon Djurhuus og Katrin Bonde

LJÓSSNIÐGEVI
Turpin N. Djurhuus

TÓNLEIKUR
Sakaris

Leikarar

Hans Tórgarð, Beinta Clothier, Gunnvá Zachariasen og Allan Dalsgarð

Beinta Clothier

Hans Tórgarð

Allan Dalsgarð

Gunnvá Zachariasen

Handan leikin

Leikstjóri

Christoffer Berdal

Sakaris

Hans Tórgarð

Ljóssniðgevi

Turpin Napoleon Djurhuus

Búnar

Katrin Bonde

Myndir: Høgni Heinesen

bottom of page