Søgan um ein soldát snýr seg sum strembanina eftir ungdómi og eydnu. Um at pantseta sál sína fyri mammon. Hetta er tað klassiska temaið, ið vit eisini kenna frá Goethe: Faust, ið selur sína sál til Mefisto fyri at fáa sín ungdóm og kærleika aftur.

Igor Stravinsky verður roknaður sum stóri nýskaparin í 20. øld. Hann brey upp úr nýggjum. Tónleikurin er serkendur russiskur; Stravinsky nýtir element úr jazzi, ragtime, Bach-koralir, wienarvalsi og marsjtónleiki.

Verkið er gjørt til eitt lítið ensemble, soleiðis at tað er lættari at ferðast við. Tíðirnar vóru ringar í 1918 - fyrri veraldarbardagi leikaði á - so fíggjarligu korini vóru ring, og nógv skuldi fáast burtur úr lítlum.