Tá ið Per ein dagin missir sín samleika, byrjar tann stóra leitingin. Til hann endar úti í Tinganesi og inni á løgmansskrivstovuni. Og har byrjar komedian. Hvat hendir við Stórtunlinum? Hvør skal hava ársins Moldvørpu? Hvat er verri, ein senil mamma ella korrupt embætisfólk? Og hvar setur mann eina arkitektoniska perlu?

Vælkomin til politiskan skemtileik á Tjóðpallinum - í harðari kapping við tann politiska ruðuleikan. Men, sum Charles de Gaulle segði, "Politikkur er ov álvarsamur til at verða latin upp í hendurnar á politikarum". Tí taka vit eisini sakina í egnar hendur við nýskrivaða politiska skemtileikinum Moldvørpuni. Tí er tað ikki júst tað, vit treingja til beint nú, meðan vit bíða eftir veruleikanum?