Open Call: Ungir leikarar til Tjóðpallin

Tjóðpallur Føroya leitar eftir ungum leikarum til spennandi sjónleikaframleiðslu í januar og februar 2026

Norski leikstjórin og høvundurin, Even Torgan, fer - saman við ungu leikarunum - at framleiða eina myrka komediu um tríggjar vinir og ein bardaga á eini barr. Leikurin verður framleiddur í einum áhugaverdum samspæli millum høvundin og leikstjóran, leikararnar og áskoðararnar - í einum samspæli millum nýskrivað tilfar, improvisatiónir og samskifti við áskoðararnar.

Vit leita eftir:

• Trimum mannligum leikarum millum 18 - 25 ár

• Tveimum kvinnuligum leikarum millum 18 - 30 ár  

Ljóðar hetta spennandi?

Send okkum ein teldupost á info@tjodpallur.fo við einari mynd og einum stuttum sjónbandi har tú sigur eitt sindur um, hvør tú ert, og hví tú ynskir at vera við í okkara framleiðslu.

🇬🇧 Sjónbandið skal vera á enskum

Vit gleða okkum at frætta frá tær!