Heimskenda søgan hjá Charles Dickens á Tjóðpallinum. ‘Eitt Jólaævintýr’ er bæði filmað og pallsett fleiri ferðir, og flestu munnu kennast við søguna um hin harðrenda og gíriga Scrooge, sum eina jólanátt fær eina sjáldsama vitjan og verður sendur á eina ferð í fortíðina, nútíðina og framtíðina. 

Søgan er bæði spennandi og óhugnalig, men samstundis hjartanemandi og gevur okkum okkurt at hugsa um – eisini í dag. 

Leikurin er ætlaður djørvum vaksnum og størri børnum umleið 12 ár og eldri.