Elektra og ætt hennara

Pelops ætt

Klýtaimestra og Helena vóru systrar, døtur Ledu og Týndareusar.

Klýtaimestra og Helena vóru systrar, døtur Ledu og Týndareusar.

Atreus’ synir, Agamemnon og Menelaos, vóru herovastar í grikska herinum, sum fór móti Troia at vinna aftur Helenu, konu Menelaosar. Teir vildu hevna og leggja í oyði býin, ið hevði rænt hana.

Áðrenn flotin setti segl, varð Agamemnon noyddur at offra dóttir sína Ifigeneiu fyri at blíðka gudinnuna Artemis, so veður og vindur vóru teimum til vildar. Hetta gjørdi hann, flotin vann fram til Troia og tíggju ár eftir vendi hann heim sum hetja. Ímeðan høvdu kona hansara Klýtaimestra og fríggjari hennara, Aigistos, systkinabarn Agamemnon, gjørt av at drepa hann tá hann kom heim. Agamemnon varð myrdur og Aigistos nýggjur kongur í Mýkena.

Døtrarnar Elektra og Krýsotemis livdu í deyðans húsi í mong ár. Men yngsta barnið, Orestes, varð fluttur burtur av einum trúgvum tænara, sum ól hann upp í fremmandum londum, til gudurin Apollon beyð Orestes at venda heimaftur og hevna faðirmorðið.