W6Fuk.png

Frumsýning:
17. februar 2018

 


TÍÐ: Týs - frí kl. 19.30, Ley-Sun kl. 18.00
LONGD: 80 minuttir
KOSTNAÐUR:  240 kr
Ung og lesandi: 120 kr
Leikur & matur: 749 kr

LEIKSTJÓRI: Christoffer Berdal
LEIKRIT: Peter Asmussen
PALLMYND & LJÓSDESIGN: Turpin N. Djurhuus
TÝÐING: Hans Tórgarð
TÓNLEIKUR: Sakaris

LEIKARAR: Hans Tórgarð, Beinta Clothier, Gunnvá Zachariasen og Allan Dalsgarð

12 SØGUR UM at finna, merkja, fáa, geva, líta á, missa, varðveita, tora, trúgva upp á og ynskja KÆRLEIKA

SOLI DEO GLORIA eftir Peter Asmussen, er ein kaleidoskopiskur leikur um okkum menniskju í støðum har tørvurin á kærleika er størstur og evnini at elska eru minst. Ein leikur um at vera á lívi og at vera í lívinum.

Peter Asmussen (1957-2016) var danskur rithøvundur, dramatikari og leikritahøvundur. Hann vann tvær ferðir Reumert virðislønina sum ársins dramatikari, fyrru ferð í 2010 fyri INGEN MØDER NOGEN og seinnu ferðina í 2016 fyri SOLI DEO GLORIA. Peter Asmussen skrivaði harumframt m.a. filmshandritið til Breaking the Waves saman við Lars von Trier í 1996. 

Peter Asmussen skrivar beinrakið og uttan stórvegis undirtekst og hann letur leiklutirnar siga tingini bart út. Í grundgevingini fyri, at lata Peter Asmussen Reumert prísin fyri SOLI DEO GLORIA segði dómsnevndin m.a:

Í SOLI DEO GLORIA vísir Peter Asmussen ein einastandandi málsligan og dramaturgiskan neyvleika, sum setir hann í heimsflokk saman við Strindberg, Bergman og Norén. Við eini beinhart skamtaðari frásøgn lýsir Asmussen stuttar leikmyndir, sum í spenninum millum søgulig tíðarskeið og geografisk støð upploysir frásøgurúmið til eitt ongamannaland - eitt dreymaspæl.

Peter Asmussen er áður framførdur í Føroyum. Í 2016 vitjaðu íslendsku leikararnir Maria Ellingsen og Bjørn Ingi Hilmarsson við EINGIN MØTIR NØKRUM (Ingen møder nogen), og SOLI DEO GLORIA var sama árið framførdur sum Reading (upplestur) á norðurlendska festivalinum DAGARNIR 2016

 
 
soli-deo-gloria.png
 

Hetta siga áskoðararnir

Tað var stuttligt og einaferð haldi eg, at hjartað steðgaði, men tað fór til alla eydnu í gongd aftur og tað eri eg sera fegin um aftaná hendan leikin, sum í øllum sínum dapra meiningsloysi er sera lívsjáttandi. Vit eru til her og nú. Tað er tað einasta, sum hevur týdning.
— Kinna Poulsen
Far til leikin! Var til premieruna av ‘Soli deo gloria’ í gjár, og varð, eins og øll hini eg tosaði við, sera bergtikin av leikinum. Hans Tórgarð, Allan Dalsgarð, Gunnvá Zachariassen og Beinta Clothier spældu beistavæl.
— Jensina Olsen
Hetta var ein sterk uppliving, sum eisini setti krøv til mín sum áskoðara. Sat sum á nálum tey 5 korterini, leikurin vardi. Fýra væluppløgd og vælspælandi fólk á pallinum.
— Kristianna Winther Poulsen
 

Tað er ein fragd at bjóða tykkum væl komin til SOLI DEO GLORA - seinasta meistaraverkið hjá Peter Asmussen.
— Jenny Petersen, stjóri á Tjóðpallinum

Leikarar

0K5A7619.jpg
 
Copy of leikur & matur.png

Leikur & matur

Keyp atgongumerki og matskrá í einum og njót eitt heilt kvøld við góðum mati og góðum sjónleiki.

 

Tær seinastu frá Instagram

 

Komandi leikir