Um Tjóðpall Føroya
Tjóðpallur Føroya er settur á stovn við Løgtingslóg nr. 68 frá 2. mai 2003.
Hann avloysir Leikpall Føroya, sum varð stovnaður í 1989 og sum skuldi breiða vegin fyri Tjóðpallinum.
Yrkisleiklistin í Føroyum hevði fram til stovnssetanina av Leikpallinum virkað burturav í og rundanum Leikbólkin Grímu, sum byrjaði sítt virksemi í 1975. Les um søguna her.
Tjóðpallurin virkar undir leiðslu av stjóra, sum hevur ábyrgd av øllum virkseminum. Afturat stjóranum eru fleiri starvsfólk knýtt at Tjóðpallinum.
Endamál
Sambært grein 5 í lógini skal Tjóðpallur Føroya
- í virksemi sínum leggja dent á føroysk verk á dygdargóðum listaligum støði eins og stovnurin skal framføra klassisk so væl sum nútímans altjóða verk
- geva borgarunum í øllum landinum eitt breitt og dygdargott tilboð av leiklist - sjónleiki so væl sum aðrari palllist
- tryggja sjónleikarum, dansarum og øðrum leikhússtarvsfólki hóskandi arbeiðsmøguleikar til tess at menna yrkisførleikar teirra
- skipa fyri leiklistaligum útbúgvingum og eftirútbúgvingum
- fremja og menna yrkis- og áhugaleiklistina í Føroyum.
Lógir og kunngerðir
Løgtingslóg um Tjóðpall Føroya
Kunngerð um stuðul til leiklist v.m.
Motto
“Ein stór succés í einum lítlum leikhúsi er betri enn ein lítil succés í einum stórum leikhúsi og nógv betri enn ein lítil succés í einum lítlum leikhúsi”
Eugéne Ionesco
